قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №409

  2015 جىلعى 31 ناۋرىز, استانا قالاسى بارلاۋعا ارنالعان ۇلگىلىك كەلىسىمشارت نىسانىن بەكىتۋ تۋرالى «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسى زاڭىنىڭ 17-بابىنىڭ 27-7) تارماقشاسىنا سايكەس بۇيىرامىن: 1. قوسا بەرىلىپ وتىرعان بارلاۋعا ارنالعان ۇلگىلىك كەلىسىمشارت نىسانى بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ جەر قويناۋىن پايدالانۋ دەپارتامەنتى (ت.س.توقتاباەۆ): 1) زاڭنامادا بەلگىلەنگەن تارتىپتە وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەلەرىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارما­عىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن. 4. وسى بۇيرىق ونىڭ العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ «كەلىسىلدى» قازاقستان رەسپۋبليكاسىنىڭ قارجى ءمينيسترى _________ ب.سۇلتانوۆ 2015 جىلعى 23 ءساۋىر «كەلىسىلدى» قازاقستان رەسپۋبليكاسىنىڭ ەنەرگەتيكا ءمينيسترى _________ ۆ.شكولنيك 2015 جىلعى 10 ءساۋىر «كەلىسىلدى» قازاقستان رەسپۋبليكاسىنىڭ ۇلتتىق ەكونوميكا ءمينيسترى ____________ ە.دوساەۆ 2015 جىلعى 6 مامىر قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 31 ناۋرىزداعى №409 بۇيرىعىمەن بەكىتىلگەن بارلاۋعا ارنالعان ۇلگىلىك كەلىسىمشارت نىسانى وسى ___________________________________________________________________________________________ (بلوك كوورديناتىن (-تارىن) كورسەتىڭىز) ______________________________________________________________________________________________ (اكىمشىلىك اۋماقتىق بىرلىكتى كورسەتىڭىز) كومىر مەن ۋراننان باسقا, قاتتى پايدالى قازبالاردى بارلاۋعا ارنالعان ۇلگىلىك كەلىسىمشارت (بۇدان ءارى - ۇلگىلىك كەلىسىمشارت) ودان ءارى بىرلەسىپ تاراپتار دەپ اتالاتىن قۇزىرەتتى ورگان رەتىندە قازاقستان رەسپۋبليكاسىنىڭ اتىنان ارەكەت ەتەتىن ______________________________________________________________________________________________ (مەملەكەتتىك ورگاننىڭ اتاۋى) جانە ______________________________________________________________________________________________ (زاڭدى تۇلعانىڭ اتاۋى - بۇدان ءارى – جەر قويناۋىن پايدالانۋشى) اراسىندا جاسالدى. كىرىسپە مىنالاردى: 1) قازاقستان رەسپۋبليكاسىنىڭ كونستيتۋتسياسىنا سايكەس جەر قويناۋى مەن ونداعى پايدالى قازبالار مەملەكەت مەنشىگى بولىپ تابىلاتىندىعىن, قازاقستان رەسپۋبليكاسى جەر قويناۋى ۋچاسكەسىن بارلاۋعا (بۇدان ءارى- بارلاۋ) بەرۋگە نيەت بىلدىرەتىندىگىن; 2) جەر قويناۋىن پايدالانۋشىدا «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسى زاڭىنىڭ (بۇدان ءارى- زاڭ) 76-بابىنىڭ جانە ۇلگىلىك كەلىسىمشارتتىڭ تالاپتارىنا سايكەس بارلاۋدى جۇرگىزۋ نيەتى, قارجىلىق جانە تەحنيكالىق مۇمكىندىكتەرىنىڭ بولۋىن; 3) قازاقستان رەسپۋبليكاسىنىڭ ۇكىمەتى __________________ (قۇزىرەتتى ورگاندى كورسەتىڭىز) ايقىنداعانىن; 4) قۇزىرەتتى ورگان مەن جەر قويناۋىن پايدالانۋشى ۇلگىلىك كەلىسىمشارت بارلاۋ كەزىندە ولاردىڭ ۇلگىلىك كەلىسىمشارتتىق قاتىناستارىن رەتتەيتىن بولادى دەپ ۋاعدالاسقاندىعىن نازارعا الا وتىرىپ. قۇزىرەتتى ورگان مەن جەر قويناۋىن پايدالانۋشى تومەندەگىلەر تۋرالى ۋاعدالاستى: 1. ۇلگىلىك كەلىسىمشارتتىڭ ماقساتى 1. ۇلگىلىك كەلىسىمشارتتىڭ ماقساتى بەرىلگەن كەلىسىمشارت اۋماعىندا بارلاۋ بويىنشا وپەراتسيالاردى جۇرگىزۋ كەزىندە زاڭنىڭ 75 جانە 76-باپتارىنا سايكەس تاراپتاردىڭ قۇقىقتارى مەن مىندەتتەرىن ايقىنداۋ بولىپ تابىلادى. 2. ۇلگىلىك كەلىسىمشارتتىڭ قولدانىلۋ مەرزىمى 2. وسى ۇلگىلىك كەلىسىمشارت كەيىنگى ___ جىلعا جاسالعان (6 جىلدان اسپايتىن مەرزىم كورسەتىلسىن). 3. ۇلگىلىك كەلىسىمشارت قۇزىرەتتى ورگاندا مەملەكەتتىك تىركەلگەن كۇننەن باستاپ كۇشىنە ەنەدى. 4. كەن ورنىن انىقتاعان جاعدايدا جەر قويناۋىن پايدالانۋشىنىڭ زاڭنىڭ 65 جانە 69-باپتارىنا سايكەس ونى باعالاۋ ءۇشىن قاجەتتى مەرزىمگە ۇلگىلىك كەلىسىمشارت قولدانىسىن ۇزارتۋعا قۇقىعى بار. 3. ۇلگىلىك كەلىسىمشارت اۋماعى 5. جەر قويناۋىن پايدالانۋشى ۇلگىلىك كەلىسىمشارتتىڭ اجىراماس بولىگى بولىپ تابىلاتىن گەولوگيالىق بولىكتە كورسەتىلگەن كەلىسىمشارت اۋماعى شەگىندە بارلاۋدى جۇرگىزەدى. 6. بارلاۋ ءۇشىن وڭايلاتىلعان تارتىپپەن بەرىلەتىن جەر قويناۋى ۋچاسكەسى ون بلوكتان اسپاۋعا ءتيىس, ولاردىڭ ارقايسىسى كوورديناتتاردىڭ گەوگرافيالىق جۇيەسىندە ءبىر مينۋتقا تەڭ. 7. جەر قويناۋىن پايدالانۋشى 1 اي بۇرىن بۇل تۋرالى قۇزىرەتتى ورگانعا الدىن الا حاباردار ەتە وتىرىپ, ۇلگىلىك كەلىسىمشارت قولدانىسىنىڭ ءبىرىنشى جىلى وتكەن سوڭ كەلىسىمشارت اۋماعىنىڭ ءبىر بولىگىن قايتارۋعا قۇقىلى. 8. كەلىسىمشارت اۋماعىن قايتارۋعا بلوكتار بويىنشا عانا جول بەرىلەدى. 4. جەر قويناۋىن پايدالانۋشىلاردىڭ قۇقىقتارى مەن مىندەتتەرى 9. ۇلگىلىك كەلىسىمشارتتى قولدانىلۋ مەرزىمى ىشىندە جەر قويناۋىن پايدالانۋشى: 1) ۇلگىلىك كەلىسىمشارت قولدانىلۋ مەرزىمى ىشىندە جەر قويناۋىن پايدالانۋشى ءوڭىردى الەۋمەتتىك-ەكونوميكالىق دامىتۋعا جانە ونىڭ ينفراقۇرىلىمىن دامىتۋعا بيۋدجەتتى جىكتەۋىشى كودىنا وبلىستىڭ, رەسپۋبليكالىق ماڭىزى بار قالانىڭ جانە استانانىڭ جەرگىلىكتى اتقارۋشى ورگاننىڭ بيۋدجەتىنە بىرىڭعاي بيۋدجەتتىك جىكتەۋىشكە سايكەس 206114 «جەر قويناۋىن پايدالانۋشى ءوڭىردى الەۋمەتتىك-ەكونوميكالىق دامىتۋعا جانە ونىڭ ينفراقۇرىلىمىن دامىتۋعا اۋدارىمدارى» قازاقستان رەسپۋبليكاسىنىڭ بiرىڭعاي بيۋدجەتتiك سىنىپتاماسىن جاساۋ قاعيداسىنا سايكەس قازاقستان رەسپۋبليكاسى قارجى ءمينيسترىنىڭ 2014 جىلعى 14 قاراشاداعى № 494 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ رەەسترىندە № 9892 تىركەلدى) ءار بلوك ءۇشىن جىلدىق ءوسىمدى تولەم مىناداي كولەمدە تولەنەدى: ءبىرىنشى جىل ءۇشىن – رەسپۋبليكالىق بيۋدجەت تۋرالى زاڭعا سايكەس جانە ءتيىستى قارجى جىلىنىڭ 1 قاڭتارىندا قولدانىستا بولاتىن 100 ء(جۇز)  ايلىق ەسەپتىك كورسەتكىش (بۇدان ءارى – اەك); ەكىنشى جىل ءۇشىن –110 ء(جۇز ون) اەك; ءۇشىنشى جىل ءۇشىن –115 ء(جۇز ون بەس) اەك; ءتورتىنشى جىل ءۇشىن –120 ء(جۇز جيىرما) اەك; بەسىنشى جىل ءۇشىن –140 ء(جۇز قىرىق) اەك; التىنشى جىل ءۇشىن –160 ء(جۇز الپىس); ۇلگىلىك كەلىسىمشارتتىڭ قولدانىلۋ مەرزىمى باعالاۋ ءۇشىن ۇزارتىلعان جاعدايدا ءاربىر كەلەسى جىلعا اۋدارىمدار مولشەرى كەمىندە 180 ء(جۇز سەكسەن) اەك مولشەرىنە تەڭ. اۋدارىمدار ۇلگىلىك كەلىسىمشارت قولدانىسىنىڭ كەزەكتى جىلى باستالعان كۇننەن باستاپ كۇنتىزبەلىك 30 كۇننەن كەشىكتىرمەي جەرگىلىكتى بيۋدجەتكە ءتيىستى سومانى اۋدارۋ ارقىلى جۇرگىزىلەدى. جەر قويناۋىن پايدالانۋشى كورسەتىلگەن سومانى اۋدارعان كۇننەن باستاپ 5 جۇمىس كۇنىنەن كەشىكتىرمەي تولەم قۇجاتىنىڭ كوشىرمەسىن (بولعان جاعدايدا) قوسا بەرە وتىرىپ, تولەم دەرەكتەمەلەرىن كورسەتە وتىرىپ, تولەۋ تۋرالى جازباشا حابارلامانى قۇزىرەتتى ورگانعا جىبەرۋگە مىندەتتى. 2) ۇلگىلىك كەلىسىمشارت قولدانىسىنىڭ بۇكىل كەزەڭىنە ءبىر بلوك شەگىندە ورىنداۋعا قاجەتتى شىعىنداردىڭ ەڭ از مولشەرىن ورىنداۋعا: ءبىرىنشى جىلى – 1000 ء(بىر مىڭ)اەك; ەكىنشى جىلى – 1000 ء(بىر مىڭ)اەك; ءۇشىنشى جىلى–1000 ء(بىر مىڭ)اەك; ءتورتىنشى جىلى –1200 ء(بىر مىڭ ەكى ءجۇز) اەك; بەسىنشى جىل –1400 ء(بىر مىڭ ءتورت ءجۇز) اەك; التىنشى جىل –1600 ء(بىر مىڭ التى ءجۇز) اەك. شىعىنداردىڭ ەڭ از مولشەرى بارلاۋعا قاتىستى جۇمىس تۇرلەرىنە عانا جۇمسالۋى ءتيىس. ءبىر بلوك شەگىندە ورىندالۋى ءتيىس شىعىنداردىڭ ەڭ از مولشەرىن ورىنداۋ تۋرالى ەسەپتى جەر قويناۋىن پايدالانۋشى جىلدىق ەسەپتى جەر قويناۋىنا مەملەكەتتىك مونيتورينگتى جۇزەگە اسىرۋ قاعيدا ەرەجەسىنە (بۇدان ءارى - مەملەكەتتىك مونيتورينگتى جۇزەگە اسىرۋ قاعيداسى) سايكەس جانە زاڭنىڭ 17 بابى 22) تارماقشاسىندا بەلگىلەنگەن تارتىپتە جانە مەرزىمدە بەرەدى. انىقتالعان كەن ورنىن باعالاۋ ءۇشىن ۇلگىلىك كەلىسىمشارت قولدانىسىنىڭ مەرزىمى ۇزارتىلعان جاعدايدا, ۇزارتۋدىڭ ءاربىر كەلەسى جىلى ءۇشىن شىعىنداردىڭ ەڭ از مولشەرى ۇلگىلىك كەلىسىمشارت قولدانىسىنىڭ التىنشى جىلى شىعىندارىنىڭ ەڭ از مولشەرىنە تەڭ. 3) جىلدار بويىنشا جۇمىستاردىڭ مىناداي مەيلىنشە از تۇرلەرىن: ءبىرىنشى جىلى – گەولوگيالىق ماتەريالداردى زەرتتەۋگە, جوبالاۋ قۇجاتىن ازىرلەۋگە جانە بەكىتۋگە; ەكىنشى جىلدان باستاپ التىنشى جىلدى قوسا العاندا – ىزدەۋ جانە الدىن الا بەلگىلەنگەن باعدارلاردى, زەرتحانالىق جۇمىستاردى, كامەرالدىق جۇمىستاردى ورىنداۋعا. كورسەتىلگەن جۇمىستاردى, الدىڭعى جىلداردا گەولوگيالىق بارلاۋ جۇمىستارىن ورىنداعان جاعدايدا نە ولاردى جۇرگىزۋ قاجەتتىگى بولماعاندا, ولارمەن تىكەلەي بايلانىستى جۇمىستاردىڭ وزگە تۇرلەرىمەن اۋىستىرۋعا جول بەرىلەدى. جىلدار بويىنشا جۇمىستاردىڭ ەڭ از تۇرلەرىن ورىنداۋ تۋرالى ەسەپتى جەر قويناۋىن پايدالانۋشى مەملەكەتتىك مونيتورينگتى جۇزەگە اسىرۋ قاعيداسىنا سايكەس ۇسىنادى. 4) ۇلگىلىك كەلىسىمشارتتى جاساعاننان جانە تىركەگەننەن كەيىن التى اي مەرزىمدە ىزدەۋ جۇمىستارىنىڭ جوباسىن ءازىر­لەۋگە جانە ءوز بەتىنشە بەكىتۋگە جانە ونى جەر قويناۋىن زەرتتەۋ جانە پايدالانۋ جونىندەگى ۋاكىلەتتى ورگانعا جىبەرۋگە; 5) جەر قويناۋىن پايدالانۋ جونىندەگى وپەراتسيالاردى ۇلگىلىك كەلىسىمشارتقا جانە زاڭعا سايكەس جۇرگىزۋگە, قازاقستان رەسپۋبليكاسىنىڭ زاڭناماسىندا بەلگىلەنگەن جەر قويناۋىن پايدالانۋ جونىندەگى وپەراتسيالارعا قويىلاتىن تالاپتاردى, ونىڭ ىشىندە ەكولوگيالىق, سانيتاريالىق-ەپيدەميولوگيالىق تالاپتاردى جانە ونەركاسiپتiك قاۋiپسiزدiك سالاسىنداعى جانە جەر قويناۋىن قورعاۋ سالاسىنداعى تالاپتاردى ساقتاۋعا مىندەتتەنەدى. 5. كوممەرتسيالىق انىقتاۋ 10. جەر قويناۋىن پايدالانۋشىنىڭ زاڭعا سايكەس كونكۋرس وتكىزبەي-اق, تىكەلەي كەلىسسوزدەر نەگىزىندە بارلاۋعا ارنالعان ۇلگىلىك كەلىسىمشارت نەگىزىندە كوممەرتسيالىق تابۋمەن بايلانىستى وندىرۋگە ارنالعان جەر قويناۋىن پايدالانۋ قۇقىعىن الۋعا ايرىقشا قۇقىعى بار. 6. ەڭسەرىلمەيتىن كۇش 11. تاراپتاردىڭ ەشقايسىسى, ەگەر ورىنداماۋ نەمەسە تيىسىنشە ورىنداماۋ ەڭسەرىلمەيتىن كۇش ءمان-جايلارىمەن بايلانىستى بولسا, وسى ۇلگىلىك كەلىسىمشارت بويىنشا قانداي دا ءبىر مىندەتتەمەلەردىڭ ورىندالماۋىنا نەمەسە تيىسىنشە ورىندالماۋىنا جاۋاپتى بولمايدى. 12. ەڭسەرىلمەيتىن كۇش ءمان-جايلارىنا, مىسالى: اسكەري داۋلار, تابيعي اپاتتار, دۇلەي ءزىلزالالار ء(ورت ءجان ت.س.س.) سياقتى جاعدايلار كەزىندە توتەنشە جانە بولدىرمايتىن ءمان-جايلار جاتادى. كەلتىرىلگەن تىزبە تولىق بولىپ تابىلمايدى. بۇل رەتتە ناتيجەسىندە جەر قويناۋىن پايدالانۋشى ءوزىنىڭ وسى ۇلگىلىك كەلىسىمشارت بويىنشا مىندەتتەرىن جانە دە وسى ۇلگىلىك كەلىسىمشارتتىڭ 4-ءبولىمىنىڭ 2) تارماقشاسىندا كوزدەلگەن ەڭ از شىعىن مولشەرى بويىنشا مىندەتتەرىن قوسا ورىنداماعان جاعدايدا, ەڭسەرىلمەيتىن كۇش كەلىسىمشارت اۋماعى بويىنشا ءۇشىنشى تۇلعالاردىڭ مەنشىك قۇقىعىندا (جەر پايدالانۋشى) بولاتىن جەر ۋچاسكەسىن الۋعا قاتىستى كەدەرگى بولا المايدى. 13. ەڭسەرىلمەيتىن كۇش ءمان-جايلارى تۋىنداعان جاعدايدا, ولاردان زارداپ شەككەن تاراپ بۇل تۋرالى ەڭسەرىلمەيتىن كۇش ءمان-جايلارىنىڭ باستالۋ كۇنىن جانە سيپاتتاماسىن ناقتىلايتىن جازباشا حابارلامانى قولعا بەرۋ نە پوشتامەن جىبەرۋ ارقىلى ەكىنشى تاراپتى دەرەۋ حاباردار ەتەدى. 14. ەڭسەرىلمەيتىن كۇش ءمان-جايلارى تۋىنداعان كەزدە تاراپتار قالىپتاسقان جاعدايدان شىعۋ جولدارىن ىزدەۋ ءۇشىن دەرەۋ ءماجىلىس وتكىزەدى جانە مۇنداي ءمان-جايلاردىڭ سالدارلارىن بارىنشا ازايتۋ ءۇشىن بارلىق قۇرالداردى پايدالانادى. 15. ەڭسەرىلمەيتىن كۇش ءمان-جايلارىنا بايلانىستى تۋىنداعان ۇلگىلىك كەلىسىمشارت بويىنشا جۇمىستار تولىق نەمەسە ءىشىنارا توقتاتىلعان كەزدە ۇلگىلىك كەلىسىمشارتتىڭ قولدانىس مەرزىمى ەڭسەرىلمەيتىن كۇشتىڭ قولدانىس مەرزىمىنە ۇزارتىلادى. 7. قولدانىلاتىن قۇقىق جانە داۋلاردى شەشۋ ءتارتىبى 16. ۇلگىلىك كەلىسىمشارت بويىنشا قازاقستان رەسپۋبليكاسىنىڭ قۇقىعى قولدانىلاتىن قۇقىق بولىپ تابىلادى. 17. ۇلگىلىك كەلىسىمشارتتى ورىنداۋعا جانە توقتاتۋعا بايلانىستى داۋلار كەلىسسوزدەر ارقىلى شەشىلەدى. 18. ەگەر وسى ۇلگىلىك كەلىسىمشارتتى ورىنداۋعا, وزگەرتۋگە نەمەسە توقتاتۋعا بايلانىستى داۋلار كەلىسسوزدەر ارقىلى التى اي ىشىندە شەشىلمەسە, وندا تاراپتار داۋلاردى قازاقستان رەسپۋبليكاسىنىڭ زاڭناماسىنا سايكەس شەشۋگە قۇقىلى. 8. جەر قويناۋىن پايدالانۋشىنىڭ قۇقىقتارىنا كەپىلدىكتەر 19. جەر قويناۋىن پايدالانۋشىعا قازاقستان رەسپۋبليكاسىنىڭ زاڭناماسىنا سايكەس ونىڭ قۇقىقتارى قورعالاتىنىنا كەپىلدىك بەرىلەدى. 20. ۇلگىلىك كەلىسىمشارت تالاپتارىن وزگەرتۋگە جانە تولىقتىرۋعا تاراپتاردىڭ كەلىسىمىمەن جول بەرىلەدى. تاراپتاردىڭ ءبىرىنىڭ تالاپ ەتۋى بويىنشا ۇلگىلىك كەلىسىمشارت تالاپتارىن وزگەرتۋگە زاڭدا جانە وسى ۇلگىلىك كەلىسىمشارتتا تىكەلەي كوزدەلگەن جاعدايلاردا جول بەرىلەدى. 9. سالىق سالۋ 21. سالىق بويىنشا سالىقتىق مىندەتتەمەلەردى جانە ۇلگىلىك كەلىسىمشارت شەڭبەرىندە جۇزەگە اسىرىلاتىن قىزمەت بويىنشا بيۋدجەتكە تولەنەتىن مىندەتتى وزگە دە تولەمدەردى تولەۋ, ولاردى تولەۋ بويىنشا تولەم مىندەتى تۋىنداعان ساتتە قولدانىستا بولاتىن سالىق زاڭناماسىنا سايكەس جۇزەگە اسىرىلادى. ۇلگىلىك كەلىسىمشارت شەڭبەرىندە جۇزەگە اسىرىلاتىن قىزمەت بويىنشا سالىقتىق مىندەتتەمەلەردى ورىنداۋ جەر قويناۋىن پايدالانۋشىنى سالىقتىق مىندەتتەمە تۋىنداعان كۇنگە قولدانىستا بولاتىن قازاقستان رەسپۋبليكاسىنىڭ سالىق زاڭناماسىنا سايكەس ۇلگىلىك كەلىسىمشارت شەڭبەرىنەن تىس مەملەكەتتە قىزمەتى جۇزەگە اسىرۋ بويىنشا سالىقتىق مىندەتتەمەلەردەن بوساتپايدى. 22. قول قويىلاتىن بونۋستىڭ تۇپكىلىكتى مولشەرى ________(سوماسى كورسەتىلسىن). 23. ۇلگىلىك كەلiسiمشارتتى جاساسۋ كەزiندە جەر قويناۋىن پايدالانۋشى قول قويىلاتىن بونۋستىڭ بەلگiلەنگەن سوماسىنىڭ ەلۋ پايىزىن 20__ جىلعى «___»__________ №___ تولەم تاپسىرماسى بويىنشا تولەدi. 24. قول قويىلاتىن بونۋستىڭ مولشەردەگi قالعان ______ (سوماسى كورسەتiلسiن) ەلۋ پايىزىن جەر قويناۋىن پايدالانۋشى ۇلگىلىك كەلىسىمشارت كۇشىنە ەنگەننەن كەيىن وتىز كۇنتىزبەلىك مەرزىم ىشىندە كەشىكتىرمەي تولەيدi. 10. كەلىسىمشارت قولدانىسىن توقتاتۋ شارتتارى 25. ۇلگىلىك كەلىسىمشارت, ەگەر تاراپتار ونى ۇزارتۋ تۋرالى كەلىسىمگە قول جەتكىزبەسە, ونىڭ قولدانىس مەرزىمى وتكەن سوڭ توقتاتىلادى. 26. ۇلگىلىك كەلىسىمشارتتىڭ قولدانىلۋىن مەرزىمىنەن بۇرىن توقتاتۋعا تاراپتاردىڭ كەلىسىمى بويىنشا توقتاتىلادى. زاڭنىڭ 72 بابىنا سايكەس ۇلگىلىك كەلىسىمشارت وزگە دە جاعدايلاردا ءوز كۇشىن توقتاتۋى مۇمكىن. 27. قۇزىرەتتى ورگان ۇلگىلىك كەلىسىمشارتتىڭ 3-باسشىسىندە ءوڭىردىڭ الەۋمەتتىك-ەكونوميكالىق دامۋىنا جانە ونىڭ ينفراقۇرىلىمىنىڭ دامۋىنا (وڭىرلەردىڭ الەۋمەتتىك سالاسىن دامىتۋ) شىعىستار ۋاقتىلى تولەنبەگەن جاعدايلاردا, سونداي-اق زاڭنىڭ 72-بابىندا بەلگىلەنگەن وزگە جاعدايلاردا, بىرجاقتى تارتىپپەن ۇلگىلىك كەلىسىمشارتتىڭ قولدانىسىن مەرزىمىنەن بۇرىن توقتاتۋعا قۇقىلى. 28. قۇزىرەتتى ورگاننىڭ باستاماسى بويىنشا ءوڭىردىڭ الەۋمەتتىك-ەكونوميكالىق دامۋىنا جانە ونىڭ ينفراقۇرىلىمىنىڭ دامۋىنا شىعىستاردىڭ ۋاقتىلى تولەنبەۋىنە نە شىعىنداردىڭ ەڭ از مولشەرى جانە ۇلگىلىك كەلىسىمشارت اۋماعىندا ورىنداۋعا قاجەتتى جۇمىس تۇرلەرى تۋرالى تالاپتاردىڭ ورىندالماۋىنا بايلانىستى ۇلگىلىك كەلىسىمشارتتىڭ قولدانىسىن مەرزىمىنەن بۇرىن توقتاتقان جاعدايدا, جەر قويناۋىن پايدالانۋشى ءوڭىردىڭ الەۋمەتتىك-ەكونوميكالىق دامۋىنا جانە ونىڭ ينفراقۇرىلىمىنىڭ دامۋىنا اۋدارىمدار, ۇلگىلىك كەلىسىمشارتتا ءتيىستى جىلعا كوزدەلگەن كەلىسىمشارت اۋماعى بويىنشا ەڭ از شىعىندار بويىنشا ورىندالماعان مىندەتتەمەلەرگە تەڭ سومانى قازاقستان رەسپۋبليكاسىنىڭ پايداسىنا تولەۋگە مىندەتتى. جەر قويناۋىن پايدالانۋشى كورسەتىلگەن سومانى قۇزىرەتتى ورگاننىڭ باستاماسى بويىنشا ۇلگىلىك كەلىسىمشارتتىڭ توقتاتىلعان كۇنىنەن باستاپ كۇنتىزبەلىك 30 كۇن ىشىندە مەملەكەتتىڭ پايداسىنا تولەۋگە مىندەتتى. كورسەتىلگەن بەرەشەك ۋاقتىلى وتەلمەگەن كەزدە, قازاقستان رەسپۋبليكاسى ۇلتتىق بانكىنىڭ قايتا قارجىلاندىرۋىنىڭ 1,5 ەسەلىك رەسمي ستاۆكاسىنا سۇيەنە وتىرىپ, وسىماقى ەسەپتەلىنەدى. 29. ۇلگىلىك كەلىسىمشارتتىڭ قولدانىسىن توقتاتۋ جەر قويناۋىن پايدالانۋشىنى مەملەكەتكە كەلىسىمشارت اۋماعىن قايتارۋ جانە مەملەكەت زاڭناماسىنىڭ زاڭنىڭ 72-بابى 9-تارماعىنىڭ تالاپتارىنا سايكەس بارلاۋ سالدارلارىن جويۋ بويىنشا مىندەتتەمەلەردى ورىنداۋدان بوساتپايدى. 11. قۇپيالىلىق 30. ۇلگىلىك كەلىسىمشارتتى ورىنداۋ پروتسەسىندە تاراپتار العان نەمەسە ساتىپ العان اقپارات قۇپيا بولىپ تابىلادى جانە قازاقستان رەسپۋبليكاسىنىڭ ازاماتتىق زاڭناماسىنا سايكەس قورعالۋعا جاتادى. تاراپتار قازاقستان رەسپۋبليكاسىنىڭ زاڭناماسىندا كوزدەلگەن قاجەتتى ەسەپتەر قۇراستىرۋ ءۇشىن قۇپيا اقپاراتتى پايدالانا الادى. 31. گەولوگيالىق اقپارات جەر قويناۋىن پايدالانۋشىعا 20__ جىلعى «__» __________ № ____ قۇپيالىلىق تۋرالى كەلىسىممەن راسىمدەلەتىن زاڭنىڭ 11-بابىنا سايكەس بەلگىلەنگەن تارتىپتە بەرىلەدى. 32. تاراپتاردىڭ ەكىنشى تاراپتىڭ كەلىسىمىنسىز قۇپيا اقپاراتتى ءۇشىنشى تۇلعالارعا مىناداي: ەگەر بۇل اقپارات سوتتا ءىس قاراۋدى جۇرگىزۋ بارىسىندا پايدالانىلعان; اقپارات جەر قويناۋىن پايدالانۋشىعا قىزمەت كورسەتەتىن ءۇشىنشى تۇلعاعا مۇنداي ءۇشىنشى تاراپ مۇنداي اقپاراتتى قۇپيا قاراپ جانە ونى تاراپتار بەلگىلەگەن ماقساتتارعا جانە بەلگىلەنگەن مەرزىمدەردە عانا پايدالانۋعا مىندەتتەمە الۋ شارتىمەن ۇسىنىلعان; اقپارات جەر قويناۋىن پايدالانۋشى قارجىلىق قاراجات الاتىن بانككە نەمەسە باسقا قارجىلىق ۇيىمعا, مۇنداي بانك نەمەسە باسقا قارجىلىق ۇيىم بۇل اقپاراتتى قۇپيا دەپ قاراپ جانە ونى تەك كورسەتىلگەن ماقساتتارعا عانا پايدالانۋعا مىندەتتەمە الۋ شارتىمەن ۇسىنىلعان; اقپارات قازاقستان رەسپۋبليكاسىنىڭ باقىلاۋشى ورگاندارىنىڭ لاۋازىمدى تۇلعالارىنا ولاردىڭ قىزمەتتىك مىندەتتەرىن ورىنداۋى بارىسىندا ۇسىنىلعان جاعدايلاردى; قازاقستان رەسپۋبليكاسىنىڭ زاڭناماسىندا كوزدەلگەن وزگە دە جاعدايلاردى قوسپاعاندا, بەرۋگە قۇقىعى جوق. 33. تاراپتار كەلىسىمشارتتىق اۋماقتا بارلاۋ جۇرگىزۋگە بايلانىستى جانە گەولوگيالىق اقپاراتتاردى قامتيتىن بارلىق قۇجاتتاردىڭ, اقپاراتتاردىڭ جانە ەسەپتەردىڭ قۇپيالىعىن ساقتاۋ مەرزىمىن ايقىندايدى. 34. ۇلگىلىك كەلىسىمشارتتىڭ ارەكەت ەتۋى توقتاتىلعان كەيىن بارلىق گەولوگيالىق جانە جەر قويناۋى بويىنشا وزگەدە اقپارات وتەۋسىز نەگiزدە قازاقستان رەسپۋبليكاسى مەنشىگىنە بەرىلەدى. 35. جەرگىلىكتى قامتۋ بولىگىندە كەلىسىمشارتتىق مىندەتتەمەلەردىڭ ورىندالۋىنا قاتىستى, جەر قويناۋىن پايدالانۋشىنىڭ تاۋارلاردى, جۇمىستار مەن كورسەتىلەتىن قىزمەتتەردى ساتىپ الۋدى جوسپارلاۋى جانە وتكىزۋى, سونداي-اق قازاقستاندىق مامانداردى وقىتۋعا شىعىندار جانە ءوڭىردى الەۋمەتتىك-ەكونوميكالىق دامىتۋ مەن ونىڭ ينفراقۇرىلىمىن دامىتۋعا جۇمسالعان شىعىندارى تۋرالى اقپارات قۇپيا بولىپ تابىلمايدى. 12. تاراتۋ قورى 36. جەر قويناۋىن پايدالانۋشى قازاقستان رەسپۋبليكاسىندا جەر قويناۋىن پايدالانۋ بويىنشا وپەراتسيالار سالدارلارىن جويۋ ءۇشىن تاراتۋ قورىن قالىپتاستىرۋعا, سونداي-اق وعان ءتيىستى اۋدارىمداردى جۇرگىزۋگە مىندەتتەنەدى. 37. تاراتۋ قورىنا بارلاۋ كەزەڭى ىشىندە بارلاۋعا ارنالعان شىعىنداردىڭ ەڭ تومەن مولشەرىنەن ءبىر پايىز مولشەرىندە قازاقستان رەسپۋبليكاسىنىڭ اۋماعىندا ورنالاسقان كەز-كەلگەن بانكتىڭ ارنايى دەپوزيت شوتىنا اۋدارىم ارقىلى جەر قويناۋىن پايدالانۋشىمەن جىل سايىن جۇرگىزىلەدى. 38. جەر قويناۋىن پايدالانۋ وبەكتىسىن تاراتۋ ءتارتىبى زاڭمەن بەلگىلەنەدى. 13. كەلىسىمشارتتىڭ ءتىلى 39. ۇلگىلىك كەلىسىمشارتتىڭ ءماتىنى ءاربىر تاراپ ءۇشىن مەملەكەتتىك جانە ورىس تىلدەرىندە ءبىر دانادان مەملەكەتتىك جانە ورىس تىلدەرىندە جاسالادى, بارلىق دانالار ۇقساس. تاراپتاردىڭ كەلىسىمى بويىنشا كەلىسىمشارت ءماتىنى وزگە تىلگە دە اۋدارىلۋى مۇمكىن. 40. ۇلگىلىك كەلىسىمشارتتىڭ مازمۇنىن جانە تۇسىندىرمەسىن انىقتاۋ كەزىندە كەلىسپەۋشىلىكتەر نەمەسە داۋلار تۋىنداعان جاعدايدا, ءماتىننىڭ ________ تىلىندەگى (قازاق نەمەسە ورىس تىلدەرى كورسەتىلسىن) نۇسقاسى باسىم كۇشكە يە بولادى. 14. قورىتىندى ەرەجەلەر 41. وسى ۇلگىلىك كەلىسىمشارتتا پايدالانىلاتىن انىقتامالار مەن تەرميندەر ولار ءۇشىن زاڭدا ايقىندالعان ماعىناعا يە. 42. تاراپتار ۇلگىلىك كەلىسىمشارتتىڭ نەگىزگى تۇجىرىمدامالىق ەرەجەلەرىن وزگەرتپەي ۇلگىلىك كەلىسىمشارتقا وزگەرىستەر مەن تولىقتىرۋلار ەنگىزۋگە قۇقىلى. 43. وسى ۇلگىلىك كەلىسىمشارتتى 20 ___ جىلعى ______ (كۇنى), _______ (ايى) _______ قالاسىندا (قازاقستان رەسپۋبليكاسى), تاراپتاردىڭ ۋاكىلەتتى وكىلدەرى جاسادى. 44. تاراپتاردىڭ زاڭدى مەكەنجايلارى جانە قولدارى. كەلىسىمشارتقا قوسىمشا: گەولوگيالىق ءبولۋ. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 26 مامىرداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11179 بولىپ ەنگىزىلدى.